വഴി തെറ്റിയെത്തുന്ന  ഇടങ്ങള്‍ 

എത്ര പേരോടു ചോദിച്ചു ഞാൻ വഴി
കൃത്യമായ് ഉത്തരം കിട്ടിയെന്നാകിലും
തെറ്റുന്നു പാതകൾ വലത്തുമിടത്തുമായ്
മറ്റൊരു വീഥി നേരെകിടക്കുന്നു
എങ്ങനെ പോകേണ്ടു ഞാനീ നേർവഴി-
യ്ക്കങ്ങനെ പോയാൽ ലക്ഷ്യത്തിലെത്തുമോ?
പിന്നിലേയ്ക്കൊന്നു തിരിഞ്ഞു നോക്കീടണം
പിന്നിട്ട വഴിയിലെ തെറ്റും ശരികളും
പോകേണം നേർവഴിക്കെന്നു പണ്ടുള്ളവർ;
ആകയാൽ പോയിടാം ഈവഴി നേർവഴി.